mércores, 16 de maio de 2018

CERTAME DE TEATRO ESCOLAR

O grupo de teatro do instituto levou á escena Pros e contras, de Tabiche Rodríguez Hernández e adaptada pola directora Paqui Abeledo.  A obra foi representada na Casa da Cultura de Monforte, dentro do certame municipal organizado polo Concello. 
A protagonista, abrumada debido ao inminente desahucio da súa casa, sopesa suicidarse, e pola súa casa irá pasando unha galería de personaxes que aportarán os seus "contras" a esa decisión. Mesmo o público chegará a tomar parte do conflicto. Teatro social, teatro dentro do teatro, ruptura da cuarta parede... fixeron da obra deste ano unha forte aposta escénica que gustou moito ao público asistente. Noraboa!

venres, 11 de maio de 2018

DÍA ESCOLAR DAS MATEMÁTICAS


Non se trataba dunha reunión de departamento, non. Foi unha visita á biblioteca de todos os profes de Matemáticas para festexar o 12 de maio, Día Escolar das Matemáticas, cargados de xogos relacionados coa súa materia. Moitas gracias a Abel, Cuqui, José Antonio e Juana por mostrarnos a súa faceta máis lúdica e a todo o alumnado que se achegou a aceptar os retos.




domingo, 6 de maio de 2018

CONSTELACIÓN LITERARIA EN TORNO A MARÍA VICTORIA MORENO



Bibliotecas Escolares de Galicia ven de ofrecernos este cartel en torno a conmemoración das Letras Galegas deste ano.  Nel móstranse títulos da literatura infantil e xuvenil galega vinculados á obra de María Victoria Moreno, a autora homenaxeada este ano 2018.  Pinchando na imaxe poderedes obter máis información. E, xa sabedes, a mellor maneira de homenaxear a unha escritora é lendo. Boas lecturas!

sábado, 5 de maio de 2018

XV CONCURSO DE CÓMICS. DÍA DO LIBRO 2018

A nosa homenaxe ao Día do Libro 2018 foi vertebrada a través do Concurso de Cómics, que este ano chegou a súa décimo quinta edición.  A actividade consistiu en transformar  contos, lendas e novelas en cómics.  No seguinte vídeo podedes ver o talento que ten o noso alumnado para convertir personaxes e historias en viñetas.  Noraboa a todos os participantes!!

martes, 24 de abril de 2018

ENCONTRO LITERARIO CON SUSANA FORTES


Enmarcada dentro dos "Encontros literarios do MECD 2018", o noso centro contou onte coa presencia da escritora Susana Fortes,  autora de Querido Corto Maltés (Premio Nuevos Narradores da editorial Tusquets en 1994) e El amante albanés (Finalista do Premio Planeta en 2003), entre outros moitos títulos. 
Susana Fortes deu unha conferencia no salón de actos que arrincou cunha pregunta ao alumnado -"¿Por qué leéis?"- a partir da cal realizou unha reflexión sobre a lectura, sobre a súa experiencia como lectora e escritora para rematar falando de como se xestou a súa última novela, Septiembre puede esperar.
Posteriormente, a escritora visitou a biblioteca do instituto para manter unha charla con algúns dos membros máis lectores da nosa comunidade educativa.

mércores, 11 de abril de 2018

PREMIO CONCURSO DE FOTOPOEMAS


Xa temos o fotopoema gañador do concurso deste ano.  O premio foi para a montaxe de Rocío González Jiménez, de 1º ESO B, sobre o poema "La concha" de Pedro Salinas.  Noraboa!

xoves, 22 de marzo de 2018

DÍA MUNDIAL DA POESÍA



Onte, 21 de marzo, foi o Día Mundial da Poesía.  A Biblioteca, en colaboración cos departamentos de linguas, puxo en marcha un concurso de fotopoemas.  O alumnado traballou con sonetos dos Séculos de Ouro e con antoloxías de poetas do 27, e o resultado... podédelo ver na presentación que deixamos eiquí enriba.  Hai fotopoemas ben fermosos!

xoves, 15 de febreiro de 2018

AMOR EN GALEGO


"Amor en galego" foi o lema para celebrar o Día de Amor no noso centro.  Podedes ver no vídeo como o noso alumnado ten moita imaxinación para expresar o amor e, por suposto, o desamor.

venres, 2 de febreiro de 2018

CELEBRACIÓN DE "LA CHANDELEUR"


Outro ano máis o Equipo de Biblioteca transformouse en Equipo de Repostería para celebrar "La Chandeleur", unha festa na que os nosos veciños franceses elaboran e ofrecen crêpes a familiares e amigos.  Fixemos "crêpes sucrées et crêpes nutella" e o alumnado participante no intercambio a Francia encargouse de repartilas durante o tempo de lecer.  Foi todo un éxito porque as crêpes estaban "delicieuses"!!


mércores, 31 de xaneiro de 2018

LA CHANDELEUR



L´Equipe de Bibliothèque du Lycée A Pinguela vous envite à une journée gastronomique le 2 février pendant la récréation, devant la biblio, pour fêter "La Chandeleur".  Vous pourrez goûter une crêpe sucrée ou nutella, écouter un peu de musique ou emprunter un livre en français.  

Approchez-vous!! On vous attend! 

martes, 30 de xaneiro de 2018

DÍA DA PAZ E DA NON VIOLENCIA

En homenaxe ao líder hindú  Mahatma Gandhi, partidario da resistencia non violenta e asasinado tal día como hoxe de 1964, a UNESCO declarou o 30 de xaneiro como Día Escolar da Non Violencia e da Paz.  Nós escollemos este ano como símbolo a John Lennon, cantante dos Beatles, e a súa canción "Imagine".  Colgamos o vídeoclip na pantalla da entrada principal e invitamos ao alumnado a imaxinar un mundo mellor.


xoves, 18 de xaneiro de 2018

ANO NOVO, LIBROS NOVOS

Ano novo, libros novos na nosa biblioteca.  Estas son algunhas das novidades recén chegadas: narrativa xuvenil, novela, poesía, teatro, ciencia, música... Están agardando por ti na biblioteca!